Vikudagur

Töluverður fjöldi fólks var samankominn í miðbæ Akureyrar í nótt og voru skemmtistaðir bæjarins vel sóttir, en bæjarhátíðin Ein með öllu og hjartað á réttum stað fer nú fram í bænum. Einn var handtekinn fyrir minniháttar líkamsárás á skemmtistaðnum Sjallanum. Hann gistir nú fangageymslur auk fjögurra annarra sem voru látnir sofa úr sér sökum ölvunnar. Þá var einn ökumaður tekinn fyrir ölvunarakstur um hálfsjö leytið í morgun á Borgarbrautinni og var sviptur ökuréttindum á staðnum. Að sögn varðstjóra lögreglunnar á Akureyri var í nógu að snúast í nótt en allt fór að mestu leyti vel fram.

Sorpúrgangur af Akureyrarsvæðinu það sem af er árinu 2010 hefur minnkað nokkuð miðað við  árið á undan.  Þetta kemur fram á vefsíðu Flokkunar.
Heildarmagn úrgangs, sem borist hefur á urðunarstað Flokkunar og til jarðgerðarstöðvar Moltu, fyrstu 6 mánuði ársins, er 8.850 tonn. Í urðun hafa farið 4.480 tonn, til jarðgerðar 3.600 tonn. Annar úrgangur svo sem múrbrot/gler/sandur er 770 tonn. Hlutfall urðunar er því rétt um 50% en það hlutfall var svipað árið 2009. 
Mikil breyting  til batnaðar hefur orðið á hvað varðar það sorp sem fer til urðunar. Þannig fór tæplega 80% af sorpi til urðunar árið 2007.
Magnspá Flokkunar gerir ráð fyrir að alls verði urðuð 9,250 tonn á Glerárdal árið 2010.

„Þeir mega koma og sækja kúbeinið,“  segir Arnór Jón Sveinsson vélamaður hjá Golfklúbbi Akureyrar, en í vikunni voru skemmdarvargar á ferð á golfvellinum í þriðja sinn í sumar.  Arnór fann kúbein austan við vélaskemmuna sem að líkindum hefur verið notuð til að  opna gáma sem á svæðinu eru.

Kristján Vilhelmsson, útgerðarstjóri hjá Samherja borgar lang mest Akureyringa í útsvar í ár eða tæpar 15 milljónir króna samkvæmt álagningarskrá sem lögð var fram í gær. Þetta þýðir að Kristján er jafnframt launhæsti bæjarbúinn með um 9,4 milljónir á mánuði að meðaltali. Jóhannes Jónsson, í Bónus, sem greiðir útsvar í Svalbarðsstrandarhreppi er er næst launahæsti maðurinn á svæðinu með rúmar 8,2 milljónir í útsvar og 5,1 milljón í laun á mánuði. Þetta kemur fram í lista yfir rúmlega 100 tekjuhæstu Akureyringana sem birtur er í Vikudegi í dag.

Vegna misskilnings sem rekja má til nýs skatts, auðlegðarskatts, sem settur var í sama dálk í álagningarlistanum og útsvarið misreiknast útsvarið hjá sjö einstaklingum í lista Vikudags og þeir sagðir með hærra útsvar og þar af leiðandi hærri tekjur en raunin er. Réttar tekjur  og rétt útsvar þessara einstaklinga er eftirfarandi: