Seytt rúgbrauð, bananabrauð og laxakæfa

Ragna Frímann Karlsdóttir morgunstjarna, tók með gleði í hjarta og sól í sinni á móti áskorun frá Helgu Halldórsdóttur og er hér mætt með uppskriftir í matarkrók vikunnar.

Seytt rúgbrauð
2 bollar hveiti
2 bollar heilhveiti
2 bollar rúgmjöl
2 tsk lyftiduft
2 tsk matarsódi
2 tsk salt
500 gr sýróp
4 bollar súrmjólk

Öllu blandað saman í skál og hrært í smástund. Sett í mjólkurfernur og fyllið fernurnar rúmlega hálfar. Bakað í 4 tíma neðst í ofni við 175 gráður. Leyfið rúgbrauðinu að kólna í fernunum.

Bananabrauð
Setjið 2 banana ásamt 1 bolla af sykri í blandara.
Bætið svo út í maukið
1 egg
2 bollar hveiti
1 tsk matarsódi
1 tsk lyftiduft
1/4 salt.
Setjið maukið í jólakökuform og bakið 45-60mín.við 200 gráður.

Laxakæfa á brauðin
200 gr hreinn rjómaostur
200 gr reyktur lax        
2-3 msk sítrónusafi
svartur pipar.
Allt sett í blandara og maukað saman.

 M og M smákökur (24 kökur)
180 gr mjúkt smjör
160 gr púðusykur
100 gr sykur
2 tsk vanillidropar
300 gr hveiti
1 tsk sódaduft
1 tsk salt
200 gr M og M.
Hrærið vel saman smjör, púðusykur og strásykur. Bætið eggjunum við og næst vanilludropunum. Blandið hveiti,salti og sódadufti og helmingnum af M og M. Klæðið 3 ofnplötur með bökunarpappír. Setjið 9 deigkökur á hverja ofnplötu og setjið restina af M og M ofaná kökurnar. Í staðinn fyrir M og M má setja hvíta og brúna súkkulaði hnappa frá Odense. Bakið svo kökurnar 10-12 mín við 200 gr. Kökurnar eiga að vera aðeins seigar. Drekkið ískalda fjörmjólk með.

"Ég skora svo á morgunstjörnuna, hana nöfnu mína Rögnu Ósk Ragnarsdóttur skrifstofustjóra hjá Toyota, hjólagarp og göngukonu að koma með góðgæti í næsta blað."