Þór úr leik í Evrópukeppninni

Þór er úr leik í Evrópudeild UEFA í knattspyrnu karla eftir 0-1 tap gegn Mlada Boleslav frá Tékklandi á Þórsvelli í kvöld. Þetta var síðari leikur liðanna en fyrri leiknum í Tékklandi lauk með 3-0 sigri heimamanna og Boleslav vann því einvígið samanlagt 4-0.

Mark gestanna í kvöld kom eftir hálftíma leik en Þórsarar fóru illa að ráði sínum og misnotuðu tvær vítaspyrnur. Heimamenn léku auk þess einum mann færri síðasta hálftímann er Jóhann Helgi Hannesson fékk sitt annað gula spjald og þar með rauða spjaldið. Mlada Boleslav mætir hollenska liðinu Twente í næstu umferð.