Um Vikudag

Útgáfufélagið ehf. tók við rekstri Vikudags um áramótin 2005-2006. Að félaginu standa KEA, Ásprent Stíll ehf., Birgir Guðmundsson og Kristján Kristjánsson, sem jafnframt er ritstjóri og framkvæmdastjóri blaðsins. Netfang hans er vikudagur@vikudagur.is. Einnig starfa við blaðið Gunnar Níelsson, sem sér um almenna afgreiðslu og áskrift - askrift@vikudagur.is, og auglýsingar - auglysingar@vikudagur.is - blaðamaður er Þröstur Ernir Viðarsson - throstur@vikudagur.is og hefur hann einnig umsjón með íþróttum.

Vikudagur kemur út einu sinni í viku, seinni part á fimmtudögum og er blaðið selt bæði í áskrift og lausasölu. Áskrift á mánuði kostar 1.990 krónur - aldraðir og öryrkjar greiða 1.590 krónur á mánuði. Vikudagur kostar 500 krónur í lausasölu. Blaðið er prentað hjá Ásprenti Stíl. Ritstjórnarskrifstofur blaðsins eru að Óseyri 2.

Vikudagur hefur verið gefinn út á Akureyri frá því í desember 1997 og skipar blaðið fastan sess hjá fjölmörgum Eyfirðingum, auk þess sem það er selt í áskrift í alla landshluta. Útlit blaðsins hefur tekið miklum breytingum, brot þess minnkað en síðum fjölgað. Markmið nýrra eigenda er að efla blaðið enn frekar, fjölga áskrifendum og auglýsendum. Það verður sífellt erfiðara fyrir blaðburðarbörnin að rukka fyrir áskrift að blaðinu enda fæstir með peninga heima við. Því er lögð áhersla á að áskrifendur setji áskriftina á kreditkort eða í beingreiðslu í banka.

Vikudagur er sjálfstæður norðlenskur fréttamiðill og blaðinu er ekkert óviðkomandi. Ef þú lesandi góður hefur eitthvað fram að færa, þá vinsamlegast hafðu samband í síma 4 600 750.